Yanga wametangaza kuwa watakuwa wanatoa jarida linalohusiana na mambo mbalimbali kuhusu klabu hiyo ikiwemo historia na habari za wachezaji wao na mambo mbalimbali ya klabu yao.
Baada ya habari hizo kutoka na magazine hiyo kuanza kusambaa mtaani, mashabiki wanaoaminika kuwa wa Yanga walianza kutoa maoni na kumwambia Ofisa Habari wa Klabu ya Simba, Haji Manara afanye utaratibu kama huo kwani Yanga ni mfano wa kuigwa.
Baada ya Haji Manara kuona maoni hayo, naye akaamua kuwajibu kwa kuandika hivi: “Simba ishavuka huko kwenye makaratasi dunia ya sasa ipo kiganjani sisi tunatoa magazine kila mwezi kwenye app ya klabu.
“Kijarida cha kufungia maandazi? Nenda kwenye app yetu kaone monthly magazine zetu halafu ndiyo uniletee hicho kijarida chenu.”