ENGLAND WAONGOZA KLABU ZINAZOLIPA MISHAHARA MIKUBWA ULAYA

Orodha ya klabu ambazo vinaongoza kwa kutumia kiafi kikubwa cha fedha kuwalipa wachezaji wake imetoka, timu nyingi za Premier League ya England zimo kwenye orodha hiyo licha ya kuwa PSG ya Ufaransa ndiyo inayoongoza kwa kulipa vizuri.

10. Juventus

Wanatoa kiasi cha paini 150m katika malipo yao, katika klabu hiyo anayeongoza kwa kupokea mshahara mkubwa ni Gonzalo Higuain anayepokea pauni 130,000 kwa wiki.

9. Liverpool

Wanalipa kiasi cha pauni 210m huku Phellipe Coutinho akiwa anaongoza kupokea mshahara mkubwa wa pauni 200,000 kwa wiki.

8.  Arsenal

Baada ya kuongeza nyota wakubwa akiwemo Alexandre Lacazette sasa klabu ya Arsenal wanatoa karibia kiasi cha Pauni 201m ambapo mchezaji anayepokea zaidi katika klabu hiyo ni Mesut Ozil anayepokea Pauni 150,000 kwa wiki.

7. Bayern Munich

Roberto Lewandoski ni mchezaji anayeongoza kwa kupokea mshahara mrefu Bayern Munich anakula Pauni 160,000 kwa wiki huku Bayern wakitoa jumla ya Pauni 235m kila msimu.

6. Real Madrid

Madrid walipunguza mzigo kwa kumtoa Alvaro Morata na Danilo na sasa Los Blancos wanatoa kiasi cha Pauni 240m huku Cristiano Ronaldo akiweka mfukoni kiasi cha Pauni 365,000 kwa wiki.

5. Manchester City

Sergio Aguero anapokea Pauni 220,000 kwa wiki huku matajiri hao wa Uingereza wakiwa wanatoa kiasi cha Pauni 244m kwa wachezaji wao hii ikichagizwa na ongezeko la nyota wengi wakubwa akiwemo Kyle Walker na Danilo.

4. Chelsea

Eden Hazard anapokea kiasi cha Pauni 200,000 kwa wiki na ongezeko la Tiemoue Bakayoko na Alvaro Morata linawafanya kutoa kiasi cha Pauni 250m.

3. Manchester United

United wako juu ya majirani zao City na Paul Pogba anaongoza kwa kupokea Man City ambapo anapokea kiasi cha Pauni 290,000 kwa wiki huku United wanatoa Pauni 264m, Pogba alianza kulipwa ghali tangu anawasili lakini ujio wa Romelu Lukaku umezidi kuifanya United kutumia pesa kubwa katika mshahara.

2. Barcelona

Lionel Messi anaongoza kwa kupokea mshahara akiwa anaweka mfukoni Pauni 500,000 kwa wiki huku kwa ujumla Barcelona wanatoa Pauni 264m, pamoja na kuondoka kwa Neymar lakini ujio wa Dembele na uwepo wa nyota wengine kama Suarez na wengineo bado unawafanya Barca kulipa pesa nyingi.

1. Paris Saint German

Uwepo wa mastaa wakubwa kama Kylian Mbappe, Edison Cavanni kunawalazimu watoe pesa nyingi (Pauni 279m) huku Neymar akipokea Pauni 537,000 kwa wiki